قصص النجاح في التعافي من الإدمان

القصة الأولى : متعافي من الشبو 

 أنا كنت حدا كتير شقي ومندفع وبحب المغامرات وأي شي في كوارث ادخل فيه ، شقي بمعنى الكلمة وكنت فضولي لاجرب اي شي بالعالم، بلشت اشرب الكحول واحب اعمل جو وكان همي كيف اسهر وأكون مبسوط وكنت أدخن حشيش أو أي شي بس أسافر, بعدين فجأة صاحبي قالي في حبوب وشو بدك في المشروب حرام وهذا علاج اترك المشروب وجرب هاد ... وافقت .. الصراحة كنت شايف انه منطقي وكان نيرونتين على وقتها جربت فعلا بعد ساعة طرت من الفرحة !! و هون بلشت السالفة ومع الأيام زادت بطريقة رهيبة بشكل لا يوصف, لصار صعب الخروج منها وتطورت كتير ورجعت لسهر والشرب ودخلت في جميع أصناف المخدرات, لمرحلة صرت أحس إني بعمل على حالي تجارب يعني أي اشي جديد هات انا بجرب ما عندي مشكلة لحتى استكشف هاد خلاني اجرب كل اشي... وحتى لما كنت اتمرن وعندي جسم صرت ما وقفت وضليت مستمر ، صار عندي فقدان سيطرة رهيب, الله نجاني من مليون حادث وصار معي مصاري بل الهبل بسبب المخدرات لدرجة كتير كبيرة , لكن كانت تروح بوقتها واوزع وأعطي اي حدا واسعد اي حدا .. لحد ما دخلت على ادمان الكريس خلال ست شهور كنت متغير ومدمر كل حياتي 180 درجة !! ولقيت حالي الشبح , وصرت أشوف حالي من جماعة المافيا وا اني رئيس العصابة , وبطلت اخاف ودمرت عيلتي وحبيبتي ... الكل كان حابب يساعدني حسيت وقتها بس ما كنت اسمع , لوصلت لمرحلة من الهلوسة السمعية والبصيرة اللي ما بتوصف , والشكوك اللي فجرتني وخلتني انفصل عن الواقع لدرجة انه كان مخي بدو يفقع وبدي انتحر ,جربت فعليا مرتين لكن كان الله رحيم فيني وانتهت قصتي بسجن محكوم اعدام بعدها نزل ل26 سنة, وفي السجن بطلت وتبت ورجعت لربي وفهمت وقت اتقربت من رب العالمين انه هي رحمة مش نقمة وبس طلع اسمي في العفو بعد سنتين و 9 شهور فهمت إنه رب العالمين رحيم فينا , و الي صار فيني هاد انقذني من الموت والجنون المحتم وعاهدت ربي ما ارجع لإي مخدرات أو سلوكيات ادمانية خطيرة , فعليا انتكست أكتر من مرة لكن الحمد الله ضليت مصر على عهدي ، وهلأ انا فخور بنفسي ومش ندمان علي أي اشي صار معي , لأنه هاد الشي غيرني وعلمني وطور من ذاتي , وخلاني أرجع كمل دراسة ونجحت بحمد الله , و أنا اللآن مدرب تعافي ومدرب تغذية وفتنس ومعالج , شغفي إني أكمل في طريق المعالج و اطور من ذاتي فيه بقدر كبير وبس . مع تمنياتي للكل بالتعافي التام كل الاحترام والتقدير وصدقني انت كمان فيك تتعافى .

القصة الثانية : متعافي من الكريستال ميث 

أنا الآن متعافي من أكثر من سنتين ونصف الحمدالله 

واجهت صعوبات في الحياة وخصوصاً مع المخدرات وما بعد المخدرات ، المخدرات خلتني أتناسى أنا ليش عايش على وجه الارض و حصرت تفكيري بس ب " كيف احصل على المخدرات " , وتناسيت تماما إنه عندي مسؤوليات , الدراسة , وكيف أكون نفسي وكيفية إدراة المال و الحصول عليه ، كل همي كان كيف انبسط , وكل ما بفكر بهذا الموضوع برجع أتعاطى لأنسى مسؤوليات الحياة والضغوط ، و أول ما أتعاطى المخدر او اضرب الصاروخ بترجع الحياة وردية ... ولكن سرعان ما تزول وترجع الحياة إلى أسوء من قبل و على هذا الحال لسنوات ، صارت معي مشاكل وخسرت أصدقاء اختفوا من حياتي وأصدقاء لم أسمع عنهم إلى اللآن ، دخلت بفترات اكتئاب شديد وانعزلت عن العالم وفقدت مشاعري حرفيًا اتجاه أي شيء ، وكانت المخدرات هي الملجأ الوحيد اللي يريحني من التفكير اللي حيفجر دماغي 

لحد ما اجى هذاك اليوم , اللي حسيت اني وصلت القاع, والشك صار يراودني بشكل مستمر , بدأت أشك بكل شخص وبكل شيء , ( الكريستال ميث) خلاني إنسان ضعيف و لابس قناع "ماسك الجو" ، خلاني متقلب المزاج مرات بكون طيب , ومرات بكون شرير ، وتفاجئت بكل هذه الاشياء بعد تركي للمخدرات وانفجرت في وجهي جميعها , ولكن كنت أقاوم مع أني لم أكن أعلم إنها تراودني ، وقررت إني أواجهها بأي ثمن أحسن ما أهرب كالجبان.

حاولت كثيراً الوقوف عن التعاطي , و لكن كنت أنتكس مرة أُخرى ، صرت أروح الحديقة لأتدرب لإنه ما كان معي مصاري اسجل في الجيم ، ولكن فكرة اني حابب أغير من نفسي , و اني غير راضي عن هذه الحياة خلقت وقود دفعني لأوصل إلى ما أنا عليه ، كنت أتعاطى واروح أتمرن ( ما انصحك انك تسويها )

اصعب شي واجهته اني اقلعت عن المخدرات و أنا متواجد مع نفس الاشخاص اللي كنت أتعاطى معاهم وكنت أشوفهم كل يوم , ولكن كنت أعزل نفسي عنهم وانشغل بغرفتي بتطوير نفسي. 

و هاي كانت قصتي حبيت اشاركم فيها

حابب من كل قلبي أني أساعد أي شخص حابب يغير من نفسه للوصول للأشياء اللي حابب يوصلها بمواجهتها و ليس بالهروب منها

___________________________________________________________________________________________

القصة الثالثة : النجاح مع تحدي ال١٠٠ يوم 

انا قصتي بالتعافي بلشت بمجرد اشتراكي مع سعد كنت حاطط النية و مصر عليها اني مشترك مشان استمر واقطع الكحول تماماً بدي

بمجرد انه في نية إني أوقف اشي غلط كنت اعمل , فأكيد رح اعمله , و خليني أكون منطقي شوي الحمدلله انا خلصت من الشيء الغلط اللي كان اسمه (كحول) بس انا مش بس تعافيت أنا تُبت لربنا كمان.

و اشتراكي مع سعد للتخلص من هاد الشيء ساعدني جداً , لإني كنت مقتنع إني قادر اوقفه بس مش لحالي , لازم يكون في حدا متبع علي أو نوعاً ما مشُرف علي بهيك مرحلة , و فعلياً سعد كان زي المُشرف علي , لإنه لولا هيك شعور ولا الإنسان ممكن يضعف مرة تانية و يرجع من جديد , خصوصاً اني ما كنت بقدر احكي لأهلي هيك شي , ليفهموني أو يدعموا الفترة هاي .  

الحمدلله اني تُبت لربنا و وقفت من وقتها وتعافيت

___________________________________________________________________________________________

القصة الرابعة : مدمن سابق وزنه ١٨٠ كيلو ل مدرب لياقة بدنية

كنت شخص مفرط السمنة و مدمن على مخدرات متعددة ابرزها، الكريستال و الليريكا و الحشيش و الماريجوانا و الاستروكس . استعدت التحكم بجسمي و التزمت بنظام غذائي و انظمة رياضية و حصلت على الجسم المتناسق . و السبب الرئيسي كان لأحصل على اهتمام الاخرين في البداية، و بعد ما شفت تاثيره على حياتي قررت أكون مدرب لياقة معتمد. مع الأيام انغريت بنفسي و صرت أبتعد عن أسلوب الحياة الصحي ... فبدأت بالملاهي الليلية و السهرات إلى أن طحت في شبكة الإدمان .. متفرعة ما بين المخدرات، الكحول، الجنس، و العلاقات، و البحث عن حس المغامرة. هذا الشيء أدى إلى أن تتدهور أموري الحياتية من نواحي مختلفة اجتماعية، عائلية، مهنية، جسدية، نفسية، و مادية. مع مرور السنوات في الإدمان، الأمور اللي كانت ممتعة صارت مملة .... بالأخص إنه الحال ليس كما كان .... و لما وصلت بما يسمى بالقاع ... حاولت ابحث عن التحفيز لإستعادة نفسي ... و الحمد الله عندما نويت لقيت أشخاص ساعدوني يترأسهم سعد المحمود. و هذا دليل على إنه عندما ننوي نية صادقة و نبدأ الطريق .. الله ييسر لنا الطريق . و بدأت بعد ما توقفت باسترجاع ثقتي بنفسي و افهم نفسي بطريقة أكبر و كذلك افهم طبيعة علاقاتي مع الأشخاص و المجتمع . واحد من أكثر الأشياء الي ساعدتني و هو اني انا كمان اساعد كل من في استطاعتي مساعدته ... و هذا يخلي عندي دافع يوميا على الثبات و بنية نابعة من حب، ليس خوف. الحمد الله أنا متعافي منذ اكثر من سنة و اشكر الله على هذه النعمة ... الله يثبت و يقوي الجميع

___________________________________________________________________________________________

القصة الخامسة : إدمان الحشيش

 بلشت بدايتي مع أصحابي و كنا نسمع عن مادة الحشيش فتت بمود الحشيش عطول من أولها و ضليت حوالي السنة من بعدها توسعت المجالات و أنا بس بقول انه رغبتك و فضوليتك هني المفتاح الاول قبل مادة الحشيش من بعدها تتغير الاغاني لحتى سمعت شي بما يسمى( التكنو) و هاي الحفلات تعاطيها بكل افرعها من( كوك لكاي ,اسيد )   فعلقت بهيدا الجو و صار عندي إدمان لحتى يوم من الأيام وصلت شكوكي بحالي , و كان في صوت بيندهلي عطول من جواتي و لهوي الله , مرقت بفترات ندم القليل لكن ادماني و حبي للأجواء نستني هالشعور , بعدها ضليت حوالي السنة حتى وصلت لمكان حتى رفقاتي يا رجل كنت بشك فيهن , و صار في شكوك و داون و أفكار ... من بعدها صرت أخد ليريكا عأساس انو يطلعني من هيدي الشكوك , لكن غرقت أكتر حتى وصلت لمكان صرت لاحظ إنو كل القصص رغم قناعاتك بتكون العكس, إنو أنا مني هيك , مش هيدا الإنسان المنعزل اللي دائمًا ما عنده تركيز, و صرت ألاحظ هيدا الشي . من بعدها قررت أوقف خلص , صرت أقرلإ كتب و ڤيديوهات, صرت أقنع حالي انو في قصص اهم من هيك بكتير , و حطيت هدف قدامي و صرت أشتغل عحالي , و وصلت و الحمدالله اليوم دخلت أبواب شركة عالمية JIFU و دخلت مجال التداول و الحمدالله أجمل و أجرأ خطوة خطيتها بفضل الله و فضل الشباب المساعدين

___________________________________________________________________________________________

القصة السادسة : دوامة الإدمان 

انا قصتي بلشت مع المخدرات لما كنت في سكن مشترك وتعرفت ع شباب كانو يدخنوا الحشيش , وبوقت قصير صار التاجر الأكبر بالمنطقة صديقي المفضل , وكنا أغلب الوقت سوا , كنت احياناً ادخل معاه بالشغل حتى ، واحياناً أخذ كميات و أروح بيها لمناطق صعب يوصللها الحشيش وابيع هناك ، وصلت لمرحلة انو الحشيش شغلي وهوايتي , ومصاحبني بكل الأوقات والوهم الأسرع والاقرب للهروب من الواقع ومشاكله ، طبعًا اللي خلاني أبدأ بهيك طريق هو مو بس رفاق السوء لكن عدم الوعي ووجود خطة وهدف في الحياة ، فأنا انتقلت بهذاك الوقت من بلد إلى أخر بسبب الحرب وماقدرت اكمل دراستي الجامعية ودراسة المعهد اللي كنت شبه متخرج منهم ولكن الظروف حالت بأنه أترك واطلع برا البلد وصار في إحباط . و اجيت ع مكان جديد بكل ما تعنيه الكلمة وبعمر صغير و أحلام وطموحات محطمة . هذا الشي حزين ولكن أبداً مانو سبب حتى ادخل هذا الطريق وامشي مع هيك اصحاب , لكن كنت أقنع حالي طول مدة التعاطي انو هذا سبب كافي والحياة هيك افضل وانا وصحابي يلي نعرف نعيش وباقي الناس هالكه حالها بمشاكل الحياة بسبب غبائهم واختيارهم لطريق صعب وتافه وما يعرفون ينبسطوا ولا يفرحوا مثل ما بنعمل إحنا بالتعاطي , و إحنا كنا فعلًا مقتنعين بهذا الشي قناعة تامة ،..اياً كانت الأسباب يلي جرتني لهذا الطريق أنا اليوم بعد التعافي ما أشوفها إلا حماقة وطيش وعدم تدبير ، ولكن بنفس الوقت درس لباقي حياتي وماضي كل ما أتعب من الحاضر أتذكره وأمضي مكمل طريقي للمستقبل المرسوم والمدروس بعناية

___________________________________________________________________________________________

القصة السابعة : تعافي من إدمان الحشيش 

القصة بدأت بالحشيش وبعدها مو بكثير المشروب , وبوقت قصير لحقها الترامادول وبعض الحبوب وبعدين بلش السهر والديسكو وأماكن الدعارة، وبعدين انتقلت لشله أكثر اهتمامها المنشطات والصخب والحفلات شبه اليومية ومعاها بلشت بالكوكائين والاكستاسي وهذا كله كنا ناخذه بنفس الوقت ، أكثر من شخص أصابهم الجنون .. !! اه فعليًا انجنوا , وناس ماتت , وناس مسجونه وطلاق وناس صار الها ولاد معاقة , وعلاقات جدًا سيئة مع الأهل والمجتمع بشكلٍ عام

أكيد انا كمان صارت معي مشاكل كثير , وكنت تعبان ومجهد داخلياً وصحياً , لكن آكثر شيء أثر فيني القصص هذي يلي صارت قدامي وعايشتها , وخصوصاً بعد ماجربت كلشي من المخدرات , ويلي ماعاد نفعت ,ولا قدرت تسعدني مثل قبل.
بلشت أدور على حل وصرت أتابع دكتور متخصص بهذي الأمور , وساعدني كثير , وبعدها شفت فيديوهات سعد وكانت كمان دافع جدًا قوي .. بعدها بلشت أخفف وصرت بس أخذ بالعطلة وبلشت بالرياضة واهتميت بنظامي الغذائي وبنيت جسم جميل وعلاقة أجتماعية أفضل من قبل أتذكر وقت تركت كلشي ونظفت مثل مايقول 😜 ، يومها بعثت رسالة أعتذر لأكثر من شخص ورحبو فيها , ورجعنا حبايب . و إلى اليوم وبنفس الوقت حظرت ناس ولغيت علاقات كثيرة وخلصت منه
وتعلمت كثير دروس من هذه الفترة وتعلمت انو المشاكل تنحل بالمواجهة والحياة أجمل بالصورة الطبيعية وانا قادر للوصول لجميع الاهداف الواقعية المرسومة

أنا اليوم راضي عن نفسي وعم أطورها كل يوم أكثر ومبسوط بحياتي أكثر من قبل بكثير واتمنى التعافي للجميع

___________________________________________________________________________________________

القصة الثامنة :  تعافي بعد 15 سنة إدمان

حكايتي بدأت لما جيت لفرنسا لإتمام الدراسة الجامعية. السنوات الأولى كنت رياضي ومتفوق في دراستي. هي غلطة وحدة انتبهوا ...في يوم من الأيام خرجنا للترفيه مع مجموعة من الطلبة إلى منطقة جبلية. أحد الشباب كان معاه قنينات من الخمر و آخر قطعة كبيرة من الحشيش. مع الإصرار وطيش الشباب أردنا نجرب ويا ريت ما جربت. بعدها ومع النشوة التي تعطيها أول تجربة ..أردت أن أكرر لوحدي وهنا غرقت. أخدت أتعاطى كمية مهمة من مادة الحشيش , وحتى الشراب احيانا. مرت سنوات دون أن أشعر. مند حوالي ١٢ سنة تزوجت وقلت هده فرصتي للاقلاع. ابتعدت حوالي سنة ..رزقني الله بولدين...وقعت في مشاكل مادية و أول شيء فكرت فيه للتهرب من الواقع الحشيش والشراب. كنت في عالم آخر حتى إن آخر سنوات كنت آكلها أكل...اصنع بيها حلويات....الشكر لله وحده على نعمة الزوجة المسلمة الصالحة. كل هده السنوات توقظني لصلاة الفجر وتنصحني بالتي هي أحسن ...وكنت أراها عدوتي...لا حول ولا قوة الا بالله. الحمد لله على هدايته اليوم شهر و١١ يوم والامور تتحسن. تركت عملي ووجدت أخر يمكن فيه الصلاة في وقتها . خسرت الف دولار من راتبي السابق ولكن الله يعوض خيرا 

القصة التاسعة : تعافي بعد 10 سنوات من الإدمان 

السلام عليكم ورحمة الله وبركاتها
أنا عمري 27 سنه كنت ولله الحمد والشكر متعاطي الحشيش والحبوب المهبطه + حبوب الكبتاغون والكحول والتمباك لمدة 10 سنوات
طبعاً في فترة التعافي ما كنت أشوف شي , ما كنت اعرف شي, كانت حياتي عبارة عن مخدرات في بداية اليوم , و آخر اليوم , و أكبر همي المخدرات. وضليت سنين على هذا الحال ونفس الروتين .. طبعاً كانت حياة تعيسة مليئة بالمشاكل والأفكار الغبية و أشياء كثيرة مالها داعي .. ومن فضل الله علي قررت اترك المواد كلها و فعلاً بديت في التعافي صحيح كانت الفترة الاولى متعبة جداً , ولكن بفضل الله تجاوزتها بمساعدة أخوي سعد المحمود ساعدني كثير , و إيضاً مهدي يونس واسماء كثثثييير للإمانة
وانا متأكد 100٪ لو شافوا رسالتي بيعرفوا انفسهم لإني للحين أنا متواصل معاهم .. فالصراحة الرياضة والإبتعاد التام عن الشلة الفاسدة والناس المحطمة في بداية التعافي راح تخليك تستمر طول العمر في التعافي, والآن أكملت 11 شهر والحمد لله صارت حياتي أحلى و أحسن بكثير , أنا شرحت لكم حياة التعاطي والتعافي تبعي باختصار للأمانة لإنو لو اتكلمت عنها بدون اختصار راح أضل أيام اكتب عنها ,فبنصح أي أنسان في بداية التعافي يصبر على حالو , ولا يستعجل ... التعافي ليس يوم أو شهر التعافي يحتاج وقت
و إيضًا الناس اللي ودها توقف لا تأجل أبدًا الآن

❤️‍🔥 والأهم من هذا كلو التقرب لله بالصلاة والدعاء . وشكرا من القلب للجميع